User blogs

Arshed Ahamed

‘අපේ සමාජය මේ ඇත්ත වටහා ගන්නේ කවදාද?’ලෙයට ලෙය ඉල්ල ඉල්ලා යන ජාතිවාදී උන්මත්තක රැළ විනාසය අරඹා ඇත. සියොළඟ පුරා සිංහල බෞද්ධ කම යට ලෙය ඉල්ල ඉල්ලා යන ජාතිවාදී උන්මත්තක රැළ විනාසය අරඹා ඇත. සියොළඟ පුරා සිංහල බෞද්ධ කම පෙරා වැගිරෙන මැරයෝ, ‘මරමු, කපමු, එළවමු, ගිනි ලෙයට ලෙය ඉල්ල ඉල්ලා යන ජාතිවාදී උන්මත්තක රැළ විනාසය අරඹා ඇත. සියොළඟ පුරා සිංහල බෞද්ධ කම පෙරා වැගිරෙන මැරයෝ, ‘මරමු, කපමු, එළවමු, ගිනි තියමු, නෂ්ට කරමු’ කිය කියා කැති පොලු උස්සාගෙන ලේ පිපාසෙන් දුවති.

පසුගිය මැතිවරණය කාලේ සුදෝ සුදු තැවරූ පොහොට්ටුවෙන් හැමුවේ තිරිසන් ජාතිවාදයේ ඝන්ධස්කාරයයි. මහින්ද රාජපක්ෂ, විමල් වීරවංශ, උදය ගම්මන්පිල, දිනේෂ් ගුණවර්ධන ආදී අවස්ථාවාදී බල ලෝභී දේශපාලකයන් ඈත ගම් දනවුවල අසරණ දුප්පත් සිංහලයන් හොය හොයා පිම්ඹේ ජාතිවාදයේ මාරාන්තික විසයි.

තම පෞද්ගලික වෙළද අරමුණු සහ පටු දේශපාලන වාසි තකා මේ දූෂිත නඩය නැවත බලයට ගෙන ඒමේ බරට උර දී සිටින දෙරණ, හිරු වැනි මාධ්‍ය ජාල විසින්, සාමාන්‍ය සිංහල ජනයා අසික්කිත ලෙස රවටමින්, මුලා කරමින්, උදේ හවා හුළං පිම්ඹේ ජාතියම දවා හළු කරන, ජාති වාදය නමැති විනාශකාරී ගිනි මැළයටයි.

මිනීමරුවන්ට, ස්ත්‍රී දූෂකයන්ට, කුඩු බිස්නස් අධිපතියන්ට පවා සෙත් පතමින් බෝධි පූජා තියන, පිරිත් නූල් බඳින, අර නිකායේ මේ නිකායේ නායක, අනු නායක, සංඝරාජ, බෝධිරාජ ඈ පදවි තානාන්තර දරන මහා නායක උන්නාන්සේලා බණ තලමින් උඩගෙඩි දුන්නේ ජනකොටස් අතර වෛරය වපුරන ආගම්වාදයටයි. ජාතිවාදයටයි.

දැන් අපි නැවතත් ඒ මූසල අතීතයම යළි අත්දකිමින් සිටිමු.

මේ මුතු ඇටයේ වසන නිකැළැල් සිංහ වංශිකයන් වන අපි, ඒ ලේ වැකි භයංකාර පසුගියාවෙන් අබමල් රේණුවක පාඩමක් ඉගෙන ගන්නේ නැති බව ලොව හමුවේ පසක් කරමින් සිටිමු.

ගලබොඩ අත්තේ ඥානසාර පුවත් පත් සාකච්ඡාවක් පවත්වමින්, තෘප්තිමත් බවින් යුතුව සිනාමුසු මුහුණින් කිව්වේ, අපි කවුරුත් මනුස්සයින් බවයි. සාදු සාදු! තමන් වහන්සේලා විසින් කාලාන්තරයක් පුරා සංවිධානාත්මකව දියක් කළ මුස්ලිම් විරෝධී/දෙමළ විරෝධී උග්‍ර ජාතිවාදය විසින් මරා දැමුණු මිනිසුන්ගේ මිනී උඩ හිටගෙන මේ උන්නාන්සේලා කතා කරන්නේ, මොකකින්දැයි දන්නේ උඩ ඉන්නා දෙවියන්ම (වැරදිලාහරි ඉන්නවානම්) පමණි.

කරුමය වන්නේ අපේ සිංහල බෞද්ධ සමාජය හැමදාම එක එක වෙසින් එන, දුෂ්ට, වංක දේශපාලුවන්ට සහ තමන්ගේ පැවැත්ම වෙනුවෙන් ඔවුන්ගේ පැවැත්මට සහයෝගය දෙන ගිහි සහ ගණ අවස්ථාවාදීන්ට අන්තෙටම රැවටීමයි. නැවත නැවතත් තුච්ඡ ලෙස රැවටීමයි. මයික් කටවල් ඉදිරියේ පපු කැවුතු ඉරාගෙන, ළයට අත් ගස ගසා සිංහල අපේ රට, සිංහල අපේ රට කියමින් යටිගිරියෙන් කෑ ගසමින් මොවුන් කරන ව්‍යාජ දේශපාලන රංගනය දෙස ඇස් උඩ ඉන්දාගෙන බලා හිද, පරල වීමයි.

මේ දූෂිත දේශපාලකයන්ගේ, අසික්කිත මාධ්‍ය හිමිතරුවන්ගේ හෝ ඔවුන්ගේ අනුග්‍රාහකයින් වන මහා පරිමාණ ව්‍යාපාරිකයන්ගේ දරුවෝ කිසිවෙක් මේ රටේ ජීවත් වෙන්නේ නැත. මේ රටේ දුප්පත් මහජනයාගේ දේපල කොල්ලකමින්, වංචාවෙන් රැවටිල්ලෙන් උපයා ගත් කෝටි ප්‍රකෝටි ගණන් මෙරට සහ පිටරට බැංකුගත කර ඇති බැවින් තම ආදරණීය දරුවන් උස් මහත් වූ හැටියේම පිටරට අධ්‍යාපනයට පිටත් කර හරින්නටත්, බටහිර දියුණු ප්‍රජාතන්ත්‍රවාදී, සාමකාමී රටක පදිංචි කරවන්නටත් උන්ට හැකිය. එවිට ඒ දරුවන්ට, යුද්ධ කලකෝලාහල නැති, සුවදායී රටක පුරවැසියන් වී නිවී සැනසිල්ලේ ජීවත් වෙන්නට පුළුවන්ය. ඒ අයට ලංකාව අවශ්‍ය වන්නේ, ඉන්වෙස්ට්මන්ට් වලට කැලෑ කපා හෝටල් හැදීම වැනි පොඩි පොඩි බිස්නස් වැඩවලට සහ නිවාඩුවට ඇවිත් ඕනෑම පිස්සුවක් කෙළිය හැකි විගඩම් මඩුවක් හැටියට පාවිච්චි කරන්ටත් පමණි.

නැත්තටම කෙළවෙන්නේ, මේ දේශපාලුවන්ගේ රැවටිල්ලට හසුවී, උන් ඔසවා දුන් ජාතිවාදය කරපින්නාගෙන සිහිවිකල් කරගත්, අපේ ඈත ගම් බිම්වල ජීවත්වන දුප්පත් අසරණයන්ටයි. උන්ට ජීවත් වෙන්නට මේ කුඩා රට හැර වෙන තැනක් නැත. උන්ගේ දරුවන්ට ජිවත් වන්නට මේ රට හැර වෙන තැනත් නැත. තව දශක ගාණක් දිග ඇදෙන ජාතිවාදී යුද්ධයක් ඇති වූවොත්, එ් මහා කරුමයට කර ගසන්නට වෙන්නේ ඒ දරුවන්ටය.

කෙතරම් තිත්ත වුවත් ඇත්ත මෙයයි.

අපේ සමාජය මේ ඇත්ත වටහා ගන්නේ කවදාද?

නදී කම්මැල්ලවීර | Nadie Kammallaweera



http://www.vikalpa.org/?p=31993
Ibnu Saheer

ලංකාවේ වර්තමානයේ පැතිරයන ‘සිංහ ලේ’ නම් ජාතිවාදී හා ගෝත‍්‍රවාදී රැල්ල ද අවිද්‍යාව මත හා අතාර්කිකත්වය මත පදනම්ව වර්ධනය වේ. ‘ස්මාට්’ දුරකතනය අතේ තබාගෙන සිටින ‘ෆේස්බුක්’වල අන්තර්ජාලයේ සැරිසරන නූතන තරුණ පරපුර ද දුනු, ඊතල භාවිත කළ අවධියේ පැවතිය යුතු වර්ගයේ මතවාදයක් කරපින්නා ගැනීම හාස්‍යජනකය.

පුරාවෘත්තයට අනුව


මෙම ‘සිංහ ලේ’ ප‍්‍රවණතාවයෙන් කියවෙන්නේ මෙරට සිංහල ජනතාව
තුළ පවතින්නේ සිංහයාගේ ලේ ය යන්න ය. සිංහයා නිර්භීත, ශක්තිමත් හා විශේෂ පෙනුමක් සහිත සතෙක් බව ඇත්ත ය. ඌ කැලේ රජා ලෙසද හඳුන්වයි. සිංහයා සතුන් අතර රජු ලෙස සැලකීම තමන් තුළ සිංහ ලේ තිබේ යැයි සිතීම ආඩම්බරයට කරුණක් සේ සැලකීමට හේතු වූවා විය හැක. සිංහල ජනතාව තුළ පවතින්නේ සිංහ ලේ ය යන්න සිංහල ජනයා පැවත එන්නේ සිංහයකුගෙ න් ය යන්න විද්‍යාත්මක සත්‍යයක් නොවේ. එය මුළුමනින් ම පුරාවෘත්තයක් මත රැුඳී පවතී. එහෙත්, ඒ පුරාවෘත්තය හරිහැටි කියවා බැලූවත් (එය අසත්‍යයක් ය යන්න පසෙක තැබුවත්) මෙම මතය තහවුරු වන්නේ නැත. එසේ වුවහොත්, සිංහ ලේ ගැන කිසිවකු ආඩම්බර වන්නේ ද නැත.

සිංහල ජනයා බිහි වුණු බව කියන පුරාවෘත්තය කෙටියෙන් මෙසේය: කි‍්‍ර.පූ. 6 වන සියවස කාලයේ ඉන්දියාවේ එක් රජ කෙනෙකුගේ කුමරියක් සිංහයෙකු විසින් පැහැරගෙන ගොස් ගල් ලෙනක රඳවා අඹුකමට තබාගෙන ඇත. මෙම කුමරියගේ නම සුප්පා දේවිය ලෙස පුරාවෘත්තයේ කියවේ. පසුව ඇයට, සිංහයාට දාව දරුවන් දෙදෙනෙකු ලැබී ඇත. ඒ, පුතා සිංහබාහු හා දුව සිංහ සීවලී ලෙස ය. දරුවන් ලොකු මහත් වූ පසු තම සත්‍ය කතාව දැනගත් ඔවුන් දිනක් සිංහයා ලෙනේ නොසිටි වෙලාවක ගල්ලෙන බිඳ තම රාජධානියට පැමිණේ. (‘සිංහබාහු’ නාට්‍යය සකස් කර ඇත්තේ ද මෙම පුරාවෘත්තය ඇසුරිනි.) මෙහි දී දරුවන් පලා ගොස් ඇති බව වටහා ගත් සිංහයා ඔවුන් සොයා නුවරට පැමිණේ. අවසානයේ නුවරුන් රැුක ගැනීම සඳහා සිංහයා මරා දැමීම අවශ්‍ය වන අතර, සිංහයා මරා දමන්නේ උගේ පුත් සිංහබාහු විසිනි. ඒ අනුව සිතුවහොත් සිංහ ලේ ඇති ජනයාගේ ආරම්භය සනිටුහන් වන්නේ පීතෘ ඝාතනයකිනි. පියා මැරූ පරපුරක් ලෙස තමන්ව හඳුන්වා ගැනීමට කවුරුවත් කැමති නොවනු ඇතැයි අපි සිතමු.

ඊළඟට මේ දරුවන් දෙදෙනා සිංහ දරුවන් නිසා මොවුන් සමග ආවාහ විවාහ සිදු කර ගැනීමට කිසිදු රජ කුමරකු හෝ කුමරියක කැමැති වූයේ නැත. එහි ප‍්‍රතිඵලය වූයේ සිංහබාහු හා සිංහසීවලී යන එක කුස උපන් සහෝදර සහෝදරියන් දෙදෙනා එකිනෙක හා විවාහ වීම ය. එය ද සභ්‍ය සමාජය අනුමත කරන විවාහයක් නොවේ. එබැවින් එය ද ලැජ්ජාවට කරුණක් විය යුතුවා විනා ආඩම්බර වීමට හේතුවක් විය යුතු නැත. කෙසේ වෙතත්, මෙම දෙදෙනාට ලැබුණු දරුවා විජය නම් විය. ඔහු තරුණ අවධියේ ම රාජධානිය තුළ විවිධ අකටයුතුකම් කරමින් හික්මීමක් නැතිව හැසිරීම නිසා ඔහුගේ අයහපත් හැසිරීමට දඬුවමක් ලෙස විජය කුමරු හා ඔහුගේ පිරිස 700ක් සමග නැව් නංවා පිටුවහල් කර තිබේ. ලංකාවට පැමිණි බව පැවසෙන්නේ ඔවුන් ය. ලංකාවේ සිංහල ජනයා පැවතෙන්නේ විජයගෙ න් යැයි පැවැසෙන අතර සිංහ ලේ කතාව එන්නේ එසේ ය.

යමෙකු මෙම පුරාවෘත්තය විශ්වාස කළත් සිංහල සියලූ දෙනාගේ ලේ සිංහ ලේ වන්නේ නැත. පුරාවෘත්තයට අනුව විජය ලංකාවේ දී කුවේණිය හා ජීවත් වූ අතර, දරුවන් දෙදෙනෙකු ද සමඟ ඇය අතහැර දමා ඇත. ඒ අනුව විජය කුමරු මැරවරයෙකුට අමතරව සල්ලාලයෙකු ද වේ. ඒවා ද ලැජ්ජාවට කරුණු ය. ඉන්පසු විජය හා පිරිස ඉන්දියාවෙන් කුමාරිකාවක් ගෙන්වා ගෙන විවාහ කරගෙන ඇත. සිංහල ජනයා පැවත එන්නේ ඔවුන්ගෙ න් යයි කියැවේ. මේ තර්කය ගෙන බලන්න. විජය හා පැමිණි 700ක් වූ පිරිස අතුරින් පුරාවෘත්තයට අනුව ගත් විට සිංහ ලේ තිබෙන්නේ විජයගේ ලේවල පමණි. ඉතිරි 700 දෙනා තුළ සිංහ ලේ නැත. එහෙත්, ලංකාවේ සිංහල ජනයා පැවැත ආ යුත්තේ ඒ සියලූ දෙනාගෙ නි. එසේ නම් ලංකාවේ සිංහල ජනයා අතර ඇත්ත සිංහ ලේ තිබිය හැක්කේ 700 ට 1 අනුපාතයෙනි. විජයට දරුවන් සිටියා ද නැද්ද යන්න නොසලකා තර්ක කළත්, සිංහල ජනයා තුළ සිංහ ලේ ඇත්තේ 700 ට 1 බැගිනි. මිථ්‍යාවේ තරම එයින් පෙනේ.

සත්‍යය යනු කුමක්ද?


මේ මිථ්‍යාව පසෙක ලා සත්‍යය බලන්න. ලංකාවේ ජනවාස ඇති වී ඇත්තේ කි‍්‍ර.පූර්ව 6 වන 5 වන සියවස්වල ඉන්දියාවෙන් පැමිණි ඉන්දු යුරෝපීයයන් ගෙනි. සිංහල ජනයා පැවත එන්නේ ඔවුන් ගෙනි. ඉන්දු යුරෝපීයයන් ලෙස හඳුන්වන, ආර්යයන් ලෙස ද හඳුන්වන රණකාමී ගෝත‍්‍රවලට අයත් මොවුන් ඉන්දියාවට පැමිණ ඇත්තේ කි‍්‍ර. පූර්ව 10 වන සියවස් කාලයේ හින්දුකුෂ් කඳුවැටිය තරණය කරමින් යුරෝපා හා මධ්‍යම ආසියාකරයේ සිට ය. මොවුන් ඉන්දියාවේ උතුරේ පදිංචි වූ අතර ඒ වන විට ඉන්දියාවේ සිටි ද්‍රවිඩ ගෝත‍්‍රවලට අයත් ජනයා ඉන්දියාවේ දකුණට පැමිණ පදිංචි වූහ. ලංකාවේ සිංහල ජනයා උතුරු ඉන්දියාවෙන් පැමිණි මෙම ඉන්දු යුරෝපීයයන්ගෙන් ද, දෙමළ ජනයා පසුව විවිධ හේතු මත දකුණු ඉන්දියාවෙන් පැමිණි අයගෙන් ද බිහි විය. ඒ අනුව ලංකාවේ ජනාවාසකරණය ඓතිහාසික කරුණු හා සාක්ෂි මත අධ්‍යයනය කරන විට සිංහ ලේ කතාවක් හමුවන්නේ නැත. ඒ වෙනුවට යුරෝපයේ සිට ඉන්දියාවට සංක‍්‍රමණය වී උතුරු ඉන්දියාව තුළ තම ආධිපත්‍යය තහවුරු කර ගත් ඉන්දු යුරෝපීයයන් ගෙන් ලංකාවේ සිංහල ජනයා පැවත එන බව පැහැදිලි ය. එම සත්‍යය පසෙකලා පුරාවෘත්තයක් මත, මිථ්‍යාවක් මත එල්බ ගැනීම 21 වන සියවසේ මිනිස් බුද්ධියට කරන සරදමක් නොවේ ද?

අනෙක් අතට පරිණාමවාදය පැත්තෙන් බැලූ විට ද මිනිසා සිංහයෙකුගෙ න් පැවෙත එතැයි තහවුරු වන්නේ නැත. පරිණාමවාදයට අනුව මිනිසා පරිණාමය වී ඇත්තේ වානර වර්ගයකිනි. ලොව ම පිළිගන්නා සත්‍යය එයයි. එයට අනුව කිසියම් කෙනෙකු තමන් තුළ පවතින්නේ වානර ලේ යැයි පැවසුවහොත්, එහි කිසියම් ඓතිහාසික සත්‍යයක් තිබේ. එපමණක් නොව මානව පරිණාමයෙන් එහාට ගොස් ජීව පරිණාමය දෙස බැලූ විට ද මිථ්‍යව සත්‍යයෙන් වෙන් කර ගත හැක. මානව පරිණාමයේ කතාව තවත් ඈතට දිගුවේ. ජීවයේ පරිණාමයේ ඈත දී අපට හමුවන්නේ ඇමීබා පැරමීසියම් වැනි ඒක ෙසෙලික ජීවින් ය. ඒ අනුව මිනිසාගේ ඈත ම මී මුත්තා ඒක ෙසෙලික ජීවියෙකි. මුල්ම ජීවියා බිහිවූයේ ජලයේ ය. ජලයේ බිහිවූ ජීවය පසුව ගොඩ බිමට පැමිණි අතර ඔවුන් වසර මිලියන ගණනක් පුරා පරිණාමය වීමේ කි‍්‍රයාවලියේ එක් තැනක දී මිනිසා බිහි විය.

මිනිසාගේ ආදි මුතුන් මිත්තා මාළුවෙකු බව (සිංහයෙක් නොවේ) රිචඞ් ඩෝකින්ස් නම් විද්‍යාඥයා පවසයි. ඔක්ස්ෆර්ඞ් විශ්වවිද්‍යාලයේ විද්‍යා අවබෝධය පිළිබඳ මහාචාර්යවරයා ලෙස කටයුතු කළ රිචඞ් ඩෝකින්ස් ලියු ‘ඇත්තක අරුමය’ නමින් සිංහලට පරිවර්තනය කර ඇති අගනා කෘතියේ මේ බව තහවුරු කර ඇත. ඩෝකින්ස් ඩාවින්ගේ පරිණාමවාදය මත අධ්‍යයන සිදු කළ අයෙකි. ඔහුට අනුව මිනිසාගේ ඈත මුතුන්මිත්තා මාළුවෙකි. මෙය ඔහු ඉතා සිත්ගන්නා උදාහරණයකින් පැහැදිලි කරයි. අපට අපේ ඡුායාරූපයත්, අපේ පියාගේ ඡුායාරූපයත් ඔහුගේ පියාගේ ඡුායාරූපයත් ලෙස පරම්පරාවෙන් පරම්පරාවට අතීතයට ඡයාරූප එකතු කළ හැකි නම් එම ඡුායාරූප ප‍්‍රමාණය මිලියන 185ක් එකතු කළ යුතුය. එවිට එම ඡුායාරූප එක මත එක ලෙස පෙළගැස්සුව හොත් එය කි. මී. 48ක් දිගු වේ. මෙලෙස කි. මී. 48ක් දුරට ගොනු කළ මිලියන 185ක් වූ අපේ මුතුන් මිත්තන්ගේ ඡුායාරූපවල අවසානයට ඇති ඡුායාරූපය මාළුවකුගේ බව ඔහු කියයි.

මෙයින් අප තහවුරු කිරීමට උත්සාහ කළේ අන්කිසිවක් නොව මිනිසා පරිණාමයක ප‍්‍රතිඵලයක් බවත්, ඔහු මිනිසා බවට පත් වන විට ළඟ ම ඥාතියා වානර පවුලේ කෙනෙක් වෙද්දී දුර ම ඥාතියා මාළුවෙකු විය හැකි බව ය.

අඳුරින් එළියට මිනිසුන් විවිධ ජාතීන්ට, ජාතිකත්වයන්ට බෙදුණේ වෙනස් භාෂාවන් හා සංස්කෘතික ලක්ෂණ ඇති කර ගත්තේ ඔවුන්ගේ දිගු පරිණාමීය අවධි තුළ ඔවුන් ජීවත් වූ පරිසරයට අනුව හා ඓතිහාසික වර්ධනයට සාපේක්ෂව ය. මිනිසුන් සතුන්ට අනුව බෙදිය නොහැක. මුල් ම මානව බෙදීම පවා සිදුව ඇත්තේ පරිසර සාධක මත ය. මිනිසාගේ ප‍්‍රධාන වර්ගීකරණයේදී වර්ග 3ක් නම් කෙරේ. ඒ නීග්‍රෝ, කොකේසියානු හා මොංගෝලියානු ලෙසය.

මිනිසුන්ගේ ලේ ද විද්‍යාව විසින් විද්‍යාත්මකව වර්ගීකරණය කර ඇත. ඒ සිංහ ලේ, කොටි ලේ ආදී වශයෙන් නොවේ. වෛද්‍ය විද්‍යාවට අනුව මිනිස් සිරුරේ ලේ ප‍්‍රධාන කාණ්ඩ 8කට බෙදේ. ඒවා නම් A පොසිටිව්, A නෙගටිව්, B පොසිටිව්, B නෙගටිව්, AB පොසිටිව්, AB නෙගටිව්, O පොසිටිව් හා O නෙගටිව් ලෙසය. රෝහලක දී ඕනෑ ම කෙනෙකුට පිටතින් ලේ ලබා දීමට අවශ්‍ය වුවහොත්, වෛද්‍යවරුන් ඉල්ලා සිටින්නේ ඉහත වර්ග 8න් එකකි. වෛද්‍ය ඉතිහාසයේ කිසිම දිනක කිසිම කෙනෙකුගේ ජීවිතය බේරා ගැනීමට සතෙකුගේ ලේ පාවිච්චි කළේ නැත.

එහෙත් කරුණු මෙසේ තිබිය දී පැහැදිලි සත්‍යය මෙසේ තිබිය දී විද්‍යාව මෙතරම් පැහැදිලි කිරීමක් කර තිබිය දී ඒ සියල්ල නොසලකා තර්කයකින් හො විචාරයකින් තොරව මිථ්‍යාව වැළඳ ගැනීම පුදුම සහගත ය. එකී මිථ්‍යාවන් ආඩම්බරයට කරුණක් කර ගැනීම හාස්‍යජනක ය.

Ibnu Saheer
වර්ථමාන ‍ලෝකයේ ආක්ර්ශණීය මෙන්ම ජනප්‍රිය අංගයක් වන facebook පිලිබදව පාඨක ඔබේ විමසුමට කරුණූ කිහිපයක් ගෙන එන්නේ නම්, සිංහල භාෂාවෙන්  ‘මුහුණූ පොත’ යනුවෙන් හදුන්වන මෙම facebook පිලිබදව අද නොදන්නා කිසිවකු නැති තරම්ය. මෙය අන්තර්ජාලය තුල සැරිසරන ඔබ සදහා නොමිලේ ලබාදෙන සමාජ ජාල වෙබ් අඩවියක් වේ. ... more

YAHAMAGA

No content