Epaper, Divaina, Island, Sri lanka, News, Newspaper

ලෝකයේ වැඩිම නිල් පින්තූර අන්තර්ජාලයට එක්‌ කළ රට වශයෙන් ශ්‍රී ලංකාව නම් කර තිබෙනවා. ඒ ගූගල් ආයතනය මගින් සිදු කර ඇති නිරීක්ෂණයකට අනුව බවයි රජරට විශ්වවිද්‍යාලයේ බාහිර කථිකාචාර්ය, මෘදුකාංග ඉංජිනේරු පැතුම් බුද්ධික මහතා සඳහන් කළේ. අනුරාධපුර පැවති දේශනයකට එක්වෙමින් ඔහු කියා සිටියේ ශ්‍රී ලංකාවේ පුද්ගලයන්ගේ පරිගණක දැනුම සමස්‌තයක්‌ වශයෙන් 38% ක්‌ වන බවත් එයින් පිරිමින්ගේ දැනුම පමණක් 89% ක්‌ වන බවයි. අන්තර්ජාලය ආරක්ෂිතව භාවිතා කරන ආකාරය පිළිබඳවත් පරිගණක අපරාධ පිළිබඳවත් දරුවන්ට අන්තර්ජාලය භාවිතයට ඉඩදිය යුතු අයුරුත් ඔහු එහි දී වැඩිදුරටත් කියා සිටියා.

අන්තවාදීන් විසින් මුස්ලිම් ජනතාවට එරෙහිව ගෙනයනු ලබන වෛරී සහගත ව්‍යාපාර, බිය ගැන්වීම්, ප්‍රචණ්ඩ ක්‍රියා සහ තර්ජන අවසන් කිරීමට පියවර ගන්නා මෙන් මුස්ලිම් පාර්ලිමේන්තු නියෝජිතයෝ ජනාධිපති සහ අගමැතිගෙන් ඉල්ලා සිටිති.

පසුගියදා ෆේස්බුක් ගිණුම් හිමියන්ගේ දත්ත වෙනත් පාර්ශවයක් අතරට පත්වීමේ සිද්ධිය සම්බන්ධයෙන් ෆේස්බුක් නිර්මාතෘ මාර්ක් සකර්බර්ග් නැවතත් සමාව ඉල්ලා තිබෙනවා. ඒ ඇමරිකාවේ සහ බ්‍රිතාන්‍යයේ ජාතික පුවත්පතක සම්පූර්ණ පිටුවකම  දැන්වීමක් පළ කරමින්. එහිදී සකර්බර්ග් පවසා ඇත්තේ ක්‍රෙම්බ්‍රිජ් ඇනලටිකා සමාගමෙන් සිය පරිශීලකයින්ගේ දත්ත ආරක්ෂා කර ගැනීමට මීට වඩා ආරක්ෂිත ක්‍රමයක් අනුගමනය කිරීමට තිබූ බවයි. එසේම ෆේස්බුක්  සමාගමට කෙතරම් චෝදනා එල්ල වුවද ලොව පුරා සිටින බිලියන 2ක් පමණ වන ෆේස්බුක් පරිශීලකයින් තවමත් සිය සමාගම අතහැර ගොස් නොමැති බවද සකර්බර්ග් ප්‍රකාශ කර තිබෙනවා.